《花水木》去看，只需一個理由
不能不佩服編劇的創意，因為一曲《花水木》而變成一齣長達 120 分鐘的電影。愛情電影離不開的劇情大家也估到，更何況是日本的愛情小品電影。
可幸的是今次男主角沒有絕症，女主角也沒有遇上意外突然身亡，他們也不是來自不同的時空最終也要分開，沒有沒有，從來都沒有，這樣反而更好，但當然也不可能平平淡淡過那120分鍾，怎麼說也是一個橫跨了十年的戀愛故事，當中的離離合合也少不免，最重要是結局也算交待清楚，沒有因為不能埋尾（也就是「起、承、轉」但不能「合」）而草草了事交給觀眾一個所謂的「Open Ending」。
就算你對愛情片沒有興趣，認為片中橫跨十年的兜兜轉轉最後卻走回一齊感到過份脫離現實而有點不快，本片也有一個理由令你入座觀賞：
這是新垣結衣最後一套穿上高中生校服的電影，而且因為橫跨十年，她扮演了高中生、大學生、OL、攝影記者。亮點吧？亮點吧？！亮點吧？！！亮點吧！！！
化粧品、護膚品也有OEM？
1. 市面上化粧品牌子多如天上繁星，如果間間都有自己嘅LAB，咁你就唔會買到$30一樽嘅洗面乳，更唔會有$10一塊嘅面膜。
2. 莫講話LAB，好多連自己嘅測試工場、生產工場同埋包裝工場都冇，好喇，咁佢地係點將呢件貨上架的呢？
3. 答案是：藥廠。
4. 藥廠除了生產藥物外，還會用剩如的生產力來製造化粧品及護膚品，再 sell 給各大小品牌。
5. 通常每隻OEM產品也有幾個檔次，客人們（化粧品公司）當然不會買最貴的（最平的反而有不少細公司買，經包裝後送到化粧品平價連鎖店散貨），客人主要是採購中間貨色，再由藥廠大量生產，所以A, B, C品牌的產品，可能背後是同一間廠，同一條主配方，只是一個買中下，一個買中上貨色。
6. 藥廠也要從化粧品及護膚品公司手上謀取利潤，所以他們也想盡辦法降低成本。
7. 最常見做法，是添加防腐劑、殺菌劑、穩定劑、礦物油等有害物，擺放的時間更加長，減低成本，但因為以上物質會有一陣難聞氣味（類似超能膠），為了遮蓋，便添加大量香料，巧立明目說有「牛奶精華」、「xx花精華」，以香精味蓋過臭味。
8. OEM化粧品、護膚品一般也有 3-5年的「保質期」，但只能保證該產品不會變臭、變壞，其營養和有效成份早於頭一兩年便已經失去。
9. 所以一般化粧品、護膚品不會有生產日期，只會印上「使用期限」，如果你今天買了一件 2013年到期的產品，你以為好新鮮，其實，佢有可能係三年前（2008年）生產的。
10. 呢個，就係點解有化粧品超市可以賣到D產品咁平。
11. 買化粧品、護膚品，應該選購印有生產日期的品牌，如果由研發、測試、生產、包裝全保自己做晒，咁就更加放心喇！
《暴風雨》改篇莎劇失敗之作
優：證明莎劇，應該要去劇院睇
劣：我去咗戲院睇
詳盡評論：
一個字：悶！
兩個字：失敗！
《暴風雨》係莎士比亞最後一部獨自完成的戲劇，原著係喜劇黎架，但全程真係笑唔出。
你坐起位度將會睇得好舒服，因為所有演員會同你交代晒所有野，佢內心諗緊乜，佢會同你講，佢點解會咁諗，佢又會同你講，最攞命係佢下一步、下兩步、下三步會做D乜，佢都會好詳盡咁同你講。
點解主角流落孤島、佢地既仇人點解係仇人，你唔需要追劇情思前想後先知，因為每個人，都會對住鏡頭講俾你知！佢地每個人，真係每一個人，面向鏡頭，好似接受記者訪問一樣，將所有野「講」俾你知。
「我會首先叫 xxx 去海邊搵 yyy，之後我就會用 abc 法術搞到佢地點點點，哈哈哈」然後劇情就 100% 跟足咁去……
之後就會奏出緊張驚心既背景音樂（大佬，有幾緊張呀，乜都知啦）
呢套兩個鐘既電影，絕對可以濃縮成 3 分鐘 —
媽：阿女，我地好慘呀，我要復仇
女：媽，我唔要你傷害人呀
男主角：阿女好善良，我好鍾意你呀
女：你好靚仔，我都好鐘意你呀
媽：我要復仇，施魔法
（啪啪啪啪啪）
壞人：（硬食魔法）係我地錯，我地知錯喇，原諒我地丫
媽：好啦，原諒你
大伙兒 friend 晒，落幕~~ 啦啦啦
真攞命 >_<
原文：Yahoo! 電影
雞蛋仔並不是這樣弄成的
話話上回與友人去完香港仔水塘後取道灣仔回家，隨便搵左間茶餐廳食左個 tea 後有點意猶未盡，行去灣仔碼頭途中經過「北角雞蛋仔」店眼見天氣寒冷人龍又不算太長，就停低買了一底雞蛋仔（夠喇，呢個咁流水式的開場，未睇完都已經悶死左）。
OK，改一個精簡的開張白：
1. 最近試了人氣旺盛、經常排長龍的「北角雞蛋仔」後，忍不住都要講兩句，因為真係好失望。
2. 因為原材料上升而調整價錢，這個我可以理解，亦都接受（雖然 $15 一底有點肉赤），但主要問題是品質差了。
3. 外皮太乾太脆，有點像食全蛋餅
4. 雞蛋仔應該是外脆內軟，中間帶點微濕的，最重要是充滿蛋香！可是我食到的是外乾、裡面只有半邊有陷，另外半邊只是薄薄的一層外殼，而且充滿粉味。
5. 這樣做沒錯是可以解決雞蛋仔放耐左變軟的問題，但係咁同食餅幹有何分別?
6. 裡面的陷不單止不柔軟，也不煙韌，沒有ＱＱ的口感
7. $15 一底的雞蛋仔，咁既質素，我唔會收貨
8. 我屋企樓下檔走鬼檔價錢係佢一半，味道、口感、享受係佢既幾倍
9. 係我品味另類定係香港人未食過真正好味的雞蛋仔? 點解仲會有咁多人排隊?
10. 睇黎我要買個雞蛋仔機，自己整返雞蛋仔個原味出黎
11. Program 剛剛好 compile 完，back to work, thanks for all, byebye
仲重過抬磚頭上山
每逢假日好多時只要天氣唔係太差都會執一兩部相機上山下水（水塘）行一行，舒展筋骨當做運動之餘又可以吸下新鮮空氣，一舉幾得。
最頭痛嘅係應該帶咩裝備出發，當然全部帶晒唔洗煩，但全部的話…
1. Hasselblad 機身
2. Hasselblad 50mm + 80mm + 150mm
3. Haeeslblad 32mm extension tube for macro
4. Hasselblad film back
5. Hasselblad V96C digital back + harddisk + 2 battery
6. Sigma SD14 body
7. Sigma 30mm
8. Contax G1, G2 body
9. Contax G28, G45
10. Canon G11
11. GE Compact Camera
12. Manfrotto Tripod with Ball Head
13. DigiFlash Light Meter
14. 唔數喇，總之就係冇可能全部帶晒出去啦
但只係帶其中兩個，都好重，加埋腳架，由山腳爬上山頂之後，就算係冬天都出汗。之不過，亦都因為每個禮拜都擔一次泥的原固，體能總算冇差到。而且，影都靚相，幾辛苦都值得。
其實我都想我個 blog 每篇文都打長 D，但個腦諗嘢太快，隻手未嚟得切打已經諗咗其他嘢，所以近期改變方向，每篇都係一句句甚至係用 point form 打出黎就算，免得拖稿導致最後爛尾。
講起爛尾，我個 draft folder 入面有好多淨係得 title，title + 1st sentence, title + 1st para 或 title + brain storming points 嘅文章，遲吓睇睇可唔可以整理一下 post 返出黎，免得浪費。