米高宅生活字典

宅到某個境界,也是一種生活態度

Archive for the ‘在晴朗的一天出貨’ tag

化粧品、護膚品也有OEM?

with 5 comments

1. 市面上化粧品牌子多如天上繁星,如果間間都有自己嘅LAB,咁你就唔會買到$30一樽嘅洗面乳,更唔會有$10一塊嘅面膜。

2. 莫講話LAB,好多連自己嘅測試工場、生產工場同埋包裝工場都冇,好喇,咁佢地係點將呢件貨上架的呢?

3. 答案是:藥廠。

4. 藥廠除了生產藥物外,還會用剩如的生產力來製造化粧品及護膚品,再 sell 給各大小品牌。

5. 通常每隻OEM產品也有幾個檔次,客人們(化粧品公司)當然不會買最貴的(最平的反而有不少細公司買,經包裝後送到化粧品平價連鎖店散貨),客人主要是採購中間貨色,再由藥廠大量生產,所以A, B, C品牌的產品,可能背後是同一間廠,同一條主配方,只是一個買中下,一個買中上貨色。

6. 藥廠也要從化粧品及護膚品公司手上謀取利潤,所以他們也想盡辦法降低成本。

7. 最常見做法,是添加防腐劑、殺菌劑、穩定劑、礦物油等有害物,擺放的時間更加長,減低成本,但因為以上物質會有一陣難聞氣味(類似超能膠),為了遮蓋,便添加大量香料,巧立明目說有「牛奶精華」、「xx花精華」,以香精味蓋過臭味。

8. OEM化粧品、護膚品一般也有 3-5年的「保質期」,但只能保證該產品不會變臭、變壞,其營養和有效成份早於頭一兩年便已經失去。

9. 所以一般化粧品、護膚品不會有生產日期,只會印上「使用期限」,如果你今天買了一件 2013年到期的產品,你以為好新鮮,其實,佢有可能係三年前(2008年)生產的。

10. 呢個,就係點解有化粧品超市可以賣到D產品咁平。

11. 買化粧品、護膚品,應該選購印有生產日期的品牌,如果由研發、測試、生產、包裝全保自己做晒,咁就更加放心喇!

Written by bearyung

April 3rd, 2011 at 1:25 am

Posted in Uncategorized

Tagged with

仲重過抬磚頭上山

with 3 comments

每逢假日好多時只要天氣唔係太差都會執一兩部相機上山下水(水塘)行一行,舒展筋骨當做運動之餘又可以吸下新鮮空氣,一舉幾得。

最頭痛嘅係應該帶咩裝備出發,當然全部帶晒唔洗煩,但全部的話…

1. Hasselblad 機身
2. Hasselblad 50mm + 80mm + 150mm
3. Haeeslblad 32mm extension tube for macro
4. Hasselblad film back
5. Hasselblad V96C digital back + harddisk + 2 battery
6. Sigma SD14 body
7. Sigma 30mm
8. Contax G1, G2 body
9. Contax G28, G45
10. Canon G11
11. GE Compact Camera
12. Manfrotto Tripod with Ball Head
13. DigiFlash Light Meter
14. 唔數喇,總之就係冇可能全部帶晒出去啦

但只係帶其中兩個,都好重,加埋腳架,由山腳爬上山頂之後,就算係冬天都出汗。之不過,亦都因為每個禮拜都擔一次泥的原固,體能總算冇差到。而且,影都靚相,幾辛苦都值得。

香港仔水塘

香港仔水塘

香港仔水塘

其實我都想我個 blog 每篇文都打長 D,但個腦諗嘢太快,隻手未嚟得切打已經諗咗其他嘢,所以近期改變方向,每篇都係一句句甚至係用 point form 打出黎就算,免得拖稿導致最後爛尾。

講起爛尾,我個 draft folder 入面有好多淨係得 title,title + 1st sentence, title + 1st para 或 title + brain storming points 嘅文章,遲吓睇睇可唔可以整理一下 post 返出黎,免得浪費。

Written by bearyung

March 28th, 2011 at 12:50 am

Posted in Uncategorized

Tagged with

問清楚自己,為甚麼要卸粧?

with 6 comments

1. 粉底越出越幼細,又實又貼面,其實臉部毛孔全被化學劑填滿,臨瞓前不撤底清潔不單令皮膚變差,臉上殘餘化學物更會吸進體內,影響健康。

2. 很多人有誤解,以為卸粧水、卸粧啫喱比起卸粧油溫柔啲,冇咁傷皮膚。你試吓用清水洗面,睇下個粧係咪甩晒?你又試下用舊四方果啫喱擦面,睇吓卸唔卸到粧?結論係,水並非水; 啫喱,也不是啫喱。咁果啲係乜?當然就係比化粧品更刺激皮膚的化學清潔劑,以毒攻毒,實屬不智。

3. 油性液體是很好的清潔媒介(你話天拿水、哥士的好啲,that’s fine),但油,也有天然和人工化學之分。

4. 坊間大多數的卸粧油,也含有礦物油成分,礦物油是石油提煉出的副產品,你用石油黎洗面,會引起敏感、毛孔閉塞,導致起粒粒(你仲會以為卸粧未夠徹底所致),粧是卸了,但你卻為你的臉蛋加多一重傷害。

5. 不要選用需要卸粧棉磨擦的卸粧用品,化學物只會越推越入 — 除非你將皮膚表層擦走(加速老化)。

6. 要選用無添加純天然成份的卸粧油,而且最好避免選用分開「眼部」和「面部」卸粧的品牌,分開處理「眼部」和「面部」,證明他的「面部」卸粧液刺激性高,損害皮膚。

7. 我親自用過(手背)坊間幾款卸粧液,強烈推薦FANCL MCO(Mild Cleansing Oil) 納米卸粧液,成分天然,蘊含多種有機植物油,清潔、保濕、美白一 take 過。

Written by bearyung

March 26th, 2011 at 1:56 am

Posted in Uncategorized

Tagged with

天呀,我不想再對住VB6了

leave a comment »

轉到新工最難適應的,就是由上一份的 JAVA + EJB3,變成 VB6 + ASP!VB6寫小工具當然冇問題,但要寫一個6-7人Project,給上千人密集地使用的大專案時,真的有點吃力。

對於一個用 Flex + XML 寫 Front-end 的人來說,突然轉做 ASP 寫 Web Application更是叫苦連天,眼看很多以前1-2小時便可完成的模塊,而家要一至兩日才搞定,而且對比起 Flex,效果是超給 user unfriendly + ugly,感覺就像時光倒流了八九年(沒錯,那時我已經開始用 Flash 砌 user interface)!

還有還有,對於用開 Adobe LiveCycle 的我來說,看見現在那個自家制的 Workflow Engine,才懷念 Adobe 的好(其實我一直也是 Adobe 的小 Fans)!以前還是我個人 Set Server,裝 LiveCycle,Design Work Process,搞 Rights Management,Migrate Data,做 Rights Management,如果而家要做齊呢D功能,齋寫 Code 寫足一年都似!

今年目標:將所有野 move 上 .NET,仲要轉投 C# 懷抱,不要再用 VB 就好了……

Written by bearyung

March 22nd, 2011 at 10:36 pm

Posted in Uncategorized

Tagged with

沒有一刻停下來

leave a comment »

最近是否忙得不可開交我不知道,工作上其實比較起往年是清閒了。雖然說清閒,但絕對不是整日無無聊聊沒事幹,只是O.T.沒有以前哪麼嚴重,時間更加容易自己掌握吧。

我就是那種對甚麼事也有興趣對所以野也想去嘗試的人,身邊有幾個閒錢就不斷開不同戰線,照相、製作肥皂、烹飪、音樂、電子、摺紙、皮革,仲有好多好多,一日時間就係得24小時,做得邊樣黎?最後結果大家都相像得到,就係一事無成。

照相方面相機是買了幾台另類非主流的牌子,照片是影了有影地方是去了又去但作品好像沒有甚麼突破,就是看了順眼,但沒有那股心血來潮的震撼。

製作肥皂每次製作一大盆,我一個人用可以用多少?足夠我用多久?答案是一年!我往年製作的今年年尾還有剩餘,如果為興趣每周製作一次的話,產量剛好夠我用一世。

烹飪是好玩,但情況和肥皂一樣,製做一個大大的蛋糕出來,我如何把它幹掉?製做一個細小的嗎?材料買多多用少少,剩餘下來的怎麼儲存?最後還是浪費了。

一個對身邊所有事物也有興趣的人,其實是自尋煩惱,每次有空閒時間想想做甚麼好,也要費煞思量,最後左弄弄右弄弄,又一天了,回想自己做過些甚麼,腦海會一片空白時間像被捲進了急流漩渦一樣不見了。世上有沒有一樣 HOBBY 能令我死心塌地捨棄其他興趣而全心投入呢?

蝴蝶是美麗,但整天飛來飛去沒有停止下來要成功影它也不容易
Shall we dance

Written by bearyung

November 24th, 2010 at 9:47 pm

Posted in Uncategorized

Tagged with