米高宅生活字典

宅到某個境界,也是一種生活態度

Archive for the ‘不談政治’ tag

八萬五 – 《經濟日報》張翠容

with 6 comments

唐英年請辭,角逐特首的候選人已趨明朗化。無論在往後還有多少人表達參選的意願,兩大主要人物 — 唐英年和梁振英,在未來的日子裏將會佔據傳媒最大的篇幅。

在香港人的心中,梁振英的形象一直負面,最大的原因是他在香港回歸當年,曾提出「八萬五」的房屋政策,跟着幾年樓價大跌,引致負資產階層湧現。之後,「八萬五」便好像鬼故一樣,一講出來便很嚇人。

事隔十四年,大家仍然為香港的住屋問題怨聲載道,聲討「地產霸權」的聲音愈來愈大。在這個時候,回看「八萬五」,你會否有不同感受?

香港人只有一套思維,被教導只接受一種模式,就是香港積極不干預政策,金融地產是唯一致富之道,也就是香港的出路。

事實上,有不少香港人已被迫參與了這一場遊戲,而且內化成為生命的價值,就是炒、炒、炒,賺快錢,勝者為王,敗者為寇。誰要移動這個香港的支柱,誰就是罪人。

諷刺的是,我們一邊罵地產商,一邊甘願做「共犯」,因為當中已可能有自己的利益,即使是幻象也令人神往。就好像一個賭局,無論你如何不滿莊家,你還是坐在賭桌旁不想離開,總以為一離開賭桌便會無依無靠。

莊家是壞人,但莊家不能走。背後支持莊家的巨人是壞人,可是巨人不能不支持,稍有異心便會引起大眾的恐慌。你說荒謬不荒謬?

多年前領匯上市,推行商場管理私有化。大家一聽見私有化便認為一定是好事,經濟教科書都是這樣說是,更何況大家已爭相認購其股票,等候賺大錢,擋着財路者都是醜人。

我們很短視,不願有更深刻的思考,我們容易受愚弄,無法戒掉迷幻藥。

Written by bearyung

October 2nd, 2011 at 1:11 pm

做領袖嘅可唔可以似返個領袖?

with 6 comments

同文首貼於 Facebook,略加補完後在這張貼,作為記錄。

每年七.一遊行可說是對特區過去一年施政的「放榜日」,由人數多寡便可得知市民對這個政府的滿意程度。當然,七.一遊行也是政黨領袖們見真章的大好日子,看著他們遊行後的反應,便知那個是假領袖、那個是真政棍。

對於當晚遊行人士突然霸佔馬路的事件,這邊廂黃毓民話市民大眾係會有所犧牲,那邊廂陶君行又話係市民表達權利嘅代價,大佬,駛唔駛一個二個推得咁乾淨?

泰國紅衫軍、黃衫軍佔領機場、廣場、商場有冇話係必然代價?有冇話阻到其他人係佢地犧牲嘅一部份,睇開D咁呀?冇呀!人地係話希望受影響嘅人能夠體諒點解佢地要咁做,點解佢地要行到呢一步。紅衫軍領袖更公開向受影響嘅外國遊客致歉。

即使係哈馬斯,發動完襲擊後都會承認責任,佢地都冇話呢個係長期被以色列欺壓嘅必然代價,普通市民係會有所犧牲呀嘛?

講權利時就大大聲,又話自己有權乜乜物物,好喇,這邊廂一完事,人地都仲未問責任誰屬,一個二個就推得乾乾淨淨!

堂堂男子漢,點解唔可以企出黎話:「我地人民力量 / 社民連對尋晚示威後衝出馬路堵塞交通負上全部責任,向受影響嘅市民致歉,同時亦希望市民明白我地唔係一時衝動,更加唔係生事搏出位… xxxx …. 我地希望透過今次行動,喚醒普羅大眾嘅心,可能你對政府早已失去信任,準備放手乜都唔理,可能你對整個立法會早已心淡,覺得我地日日淨係上演政治show,打打鬧鬧。但身處呢個大是大非的時候,個人或黨嘅榮辱以經唔係最重要,最重要嘅係,我地想全港市民都知道,維繫著香港之所以為香港嘅核心價值,正慢慢地崩壞、瓦解,而最令我地感到痛心疾首嘅係,一點一點地饞食香港精神嘅唔係中共,而係一班聽到中共二字已經驚到腳震、已經攞定鞋油、甘願為奴嘅傀儡政府!」

可惜可惜,好地地俾你地開到頭,你又唔借力打力,叫乜鬼「人民力量」,你又唔合縱連橫,叫乜鬼「社民連」,明明就係人民發出嘅吼聲,點知你吼完後龜縮,又話唔關你事,又話係咁架喇,正常嘢,寒酸、失望呀!做男人做到好似俾人閹咗咁(今次直頭係自閹),點將自己嘅理念(如有的話)incept 俾香港市民呀?

最後,你明明成功衝到出馬路,擾攘咗咁耐塞晒D車你就咪鬼仲話「警權過大」啦,仲要話警察用胡椒噴霧對付你,又話俾人叉頸,對住鏡頭一樣樣數出黎,好似向人炫耀你今次旅行帶咗乜野手信返黎咁,好小家,又冇傲骨。警察都係人,都係打份工、都係執行上級指示,你係做大事嘅,就應該行出黎「承認責任」時,一拼感謝當日執行職務嘅警員整日維持秩序,令遊行示威可以順利進行,你俾一個光環警員,全香港700萬人都會俾個光環你啦。

做領袖(而非政客、政棍),並唔係要令支持自己嘅市民憎狠相反政見的人,相反,應該要令自己嘅團隊、支持者表現出肯承擔、肯負責、不退宿、不妥協嘅應有態度。咁樣唔單止贏得支持者的掌聲,即使是反對人士,對你,心中也有一份尊重。

而家叫你示個威都咁龜宿,選你上去對住中共時會唔會又突然自閹?我真係對你地冇信心。

Written by bearyung

July 3rd, 2011 at 11:57 am

Posted in 11劃

Tagged with , ,