Archive for July 25th, 2010
唔知擋唔擋到災，但肯定又破財
經我手的電子產品永不會正正常常，電腦、電話、相機、打印機甚至係滑鼠或耳機，冇一樣有好下場。之前 PC Harddisk 一年壞一次以算係正常事，macbook DVD 壞左兼且個 LCD monitor 一閃一閃我還可以接受，但連我的 Sigma SD14 及差點令我破產的 Hasselblad Digital Back 也浮現不同程度的嚴重錯誤，最新一宗是 Hasselblad 影相有直間同埋會傻傻地走火影一張全黑的相。
仲有仲有，公司電腦一年來已中了兩次 virus，又慢又會無端端自動 boot 機（其他同事做左幾年部 PC 都冇事）看來我只適合生存於無電子的環境。話時話，唔知同我身體有冇關係，好多人話同我接觸時感到有觸電感覺（wowow… 可惜唔係 emotional 的觸電感覺），好似俾靜電電咗一下。有時我掂樓梯扶手或升降機按扭時，都有觸電感覺，死啦，咁搞法我D 貴價相機仲駛要既？！
又要約時間拎部相機去整，真係肉都赤埋！
都唔知幾時先得閒拎去整（Service centre 淨係開 mon – fri 9:00am – 5:45pm），要暫別四方相一段時間喇！