米高宅生活字典

用左iPhone 3G都有三個月，我諗超過50%時間都係用起iPhone核心功能（打電話）之上，不會為用而用，但我的生活模式卻在不知不覺間起了變化。

因為係用Smartone的關係，除了用瀏覽器上網及檢查、收發郵件之外，其他功能一牽涉到上網佢就同我逐Mb計，所以我基本上係唔會用一啲連接上網的iPhone Apps。Facebook、Wordpress、Openrice、即時通信等等的iPhone軟件我並沒有使用，唯一會「就住嚟用」的，就只有iPhone內置的地圖軟件。

閱報的習慣，因為iPhone的出現改變了。以前是要買一份實體報紙或坐定定在電腦螢幕前花上一小時去閱報，現在已習慣上落班或午飯時間拿出iPhone用Google Reader獲取資訊，閱讀的時間少了，深度也淺了，有時只看兩三句，有時甚至只看標題。以前還會介意那一個新聞網好用，文字舒服易睇，圖片夠大等等，現在全部也不用管了，Google Reader有自己一套UI，文字也是平平庸庸的堆滿iPhone的顯示屏，如果標題沒有告訴我那段新聞是出自那一份報紙，我其實真係睇完《大公報》以為係《蘋果》。

iPhone其實咪又係iPod+Smart Phone，未買iPhone之前，我只會坐起電腦前面先聽歌，而家等車搭車周不時都會掹個耳筒出嚟Shuffle一吓，一程車四五首歌的時間就到，Video功能好少用，多數都係用黎睇飲飲食食Podcast，又或視像教程。但因為電量問題，唔會成日咁做，因為睇Video攪到冇電打電話，講出黎會俾人笑（小）的。

拍攝功能，無可否認，呢個係我最最最鍾意的功能，雖然iPhone個相機得二百萬像，雖然佢應出黎的相鬆郁濛，但係同我Flickr+Wordpress配合得好好！見到得意嘢，影低佢，打幾隻字做注解，之後就用電郵發報上Flickr（我的Smartone Plan 包無限電郵！）Flickr就會自動幫我發佈去個Blog度，實在是太好玩了！見到搞笑嘢、好食嘢、突發嘢，一於Shoot、Notes、Send，呢個SNS的動作比我SMS的次數更頻密。

SMS對於單身的我來說，只是一個比發電郵更快的通信途徑，所發送的，百份之90也是銀行戶口號碼、某某人的地址、電話號碼，會議reminder又或「開緊會，轉頭覆你」一類未能接聽電話的回應。iPhone能將收發SMS按照寄件人分類，再用一個個氣泡將對話框起，看起來就像漫畫對話一樣，令你好有「打多幾個SMS」的衝動。

之但係，之但係！之但係！！！再俾我揀多次，$5400的資金，其實未必會買iPhone。對於一個Business Phone，毫無懷疑佢真係首選，外型、操作介面、配套、確實是西裝一族的不二之選，只不過，如果你係想要一個Playful的電話，它確實是每方面也有一D，但每方面也未做到令我覺得它可以定為Playful Phone。

一個電話有KeyPad，你在打電郵、打SMS時會有一種觸摸到每個文字、每段信息的感覺，發送前一刻你摸著”Send”按鈕，腦海中想著「寄唔寄出去好呢，寄唔寄出去好呢，寄啦寄啦！」但指頭開始施壓時，又縮回，在床上蹍轉反側、心亂如麻。這種感覺，你不會在iPhone上體會到：你指頭輕輕一掃，iPhone已幫你將SMS發送出去，少了過程，也少了感覺。

輕觸式屏幕（Touch Screen）的出現，令一切也變得更輕了。

如何帥氣地發短信追正妹：

先上一張大圖嚟賀一賀佢！

1. 《南京！南京！》
和 Simon 看了《南京！南京！》，很沉重的一套電影，第二次看陸川執導的作品（上一套是《可可西里》）。《南京！南京！》不是一邊倒講日本人幾變態或中國某某連幾強橫，它以中國人的國度看待這戰爭的同時，也用日本人的角度來描述。值得一提的是，原本投資商人想強調的南京版舒特拉：德國納粹黨在南京的最高代表—約翰．拉貝，在整套電影內也只是一個旁觀者的角色，更顯出他的愛莫能助。看了一套好電影，需要時間讓它沉澱沉澱。

2. 吃了一周的蒜頭浸米醋後，鼻敏感好像也沒大改善，但身體感覺似係好咗，消化暢順咗。

3. 原來而家D 恤衫好貴，鞋又貴，乜都貴！未見官先打 20 大板也。

4. KFC $19.8 果個餐，垃圾過垃圾，沖杯面好過。

多謝多謝！

淪陷, originally uploaded by bearyung.

我還以為這樣的標題只會出現在東方日報之上……