米高有話兒

繼早前有候選人搬家後忘記改地址喪失參選資格後，香港政治舞台又一精彩呈獻：

王紹爾表示失去參選資格
(明報)8月6日 星期三 00:00
參選立法會九龍西選區的民建聯成員王紹爾晚上表示，因為忘記在銀行存入選舉按金，導至喪失候選人資格。

王紹爾在新聞稿指出，因為有緊急公司業務，在星期日已經離港到了日本。對個人未能參選，感到惋惜和失望，亦就事件引起的不便，向選舉事務處致歉。

哎也，我搬咗唔記得改地址呀！sorry sorry ^^”
哎也，我去左日本唔記得入定錢先呀！唔好意思喎….

遲吓.. 會唔會有：

咦，我寫錯咗我個名呀！你唔講我都唔知添！XD
尋晚睇波夜咗，今朝起唔切身呀，今朝流會？好頹呀！XDDD
咦，乜原來我按咗贊成掣？我以為係反對添！好柒呀！kakaka (真人真事)
仲要開幾耐架？唔鬼開喇，我Book 左 Jack Ma 恤髮呀！

選舉，比玩泥沙還要兒戲。玩泥沙至少怕沙入眼，選舉最怕，我諗係怕悶、怕冇野好玩掛。咁攪法，咪鬼投票，慳返D紙張幫下地球有益得多啦。

三十年前中國改革開放，開始引進外商投資，全球富有國也窺視這片人賤地平的樂土，紛紛到內地設廠，將自己本土最污染環境、最影響健康的工業移到中國來，隨之而來的還有一船船的電腦垃圾。安置妥當，將自家廢料掃出大門後，就聯合鄰居一齊指責中國高污染，排放廢氣，是破壞環境的元兇。

在內地搭公車，經常看見「請將垃圾拋出車外」的標語，外國人說這是不文明的表現，那麼，你們將電腦廢料和高污染工廠設到中國來，有分別嗎？好文明嘛？

當政府要趕走那些外商時，強國紛紛出來阻止，說中國違反了自由貿易，要逐中國出世貿。我想說的是，當你地強國成日出埋晒 D 研究報告話中國係污染元兇時，唔該講清楚係「中國境內的美國企業」、「中國境內的法國企業」、「中國境內的日本企業」等是污染元兇（當然當中也有不少本土企業毒害自己人），要正視駛乜鬼整個 G8 出黎去北海道開會（明明就係包機去度假），最快解決方法：撤資！Done.

一邊質人食屎，一邊罵人那屎食好污糟，變態的。不過更變態的是，點解你明知果舊係屎都拎黎食？

打工同打機一樣，要幹一番好成績，一定要沉迷下去。如果你抱住返工等放工、做少好過做錯的心態，咁你呢世就註定做一個普通打工仔。

打工同打機一樣，要升級，先要儲能量、日練夜練增加經驗值，時機成熟先好出去打大佬，好多人打機時都識睇經驗值睇能量黎打大佬，打唔過就即閃。但一出到現實世界，好多天真兒童有理無理都衝出去打大佬，仲要明知打唔過都要去單挑，呢 D 叫食塞米。

打工同打機一樣，唔好長時間打，打咁上下就要休息一下，俾自己放返幾日假，唔係好容易有福冇命享。

打工同打機一樣，最後勝利都係佬闆同遊戲開發商，你打得幾好始終都係受制於佢。

六月一號開始，內地所有超市禁止使用膠袋，用親即屬違法！內地推行政策就係咁狠，唔洗諮詢亦冇寬限期，唔似香港早前咁又搞膠袋收費又整無膠袋日。佢地而家係冇，你排對俾錢時就算買左好多野、就算你肯俾多 D 錢，唔好意思，冇呀，你搵均成個超市你都唔會見到有一個膠袋存在，你真係拎唔到上手既，就用幾蚊買布袋，果個爛布袋，邊值幾蚊呀！但真係拎唔到都冇計。

要環保，一定要改變日常習慣，膠袋真係好方便，市民明明支持環保但真係唔覺唔覺咁又用幾個膠袋。有時要人民改變，強政真的不可少，你睇香港，都今日咪又係繼續連買份報紙都要個膠袋入住。

當傳媒將大澳災情用汶川來比喻的時候，已預計到有人會提出這類問題，溫爺爺年氏已高也連夜趕抵四川災區，為可曾叔叔到現在還未去災區行行？很離普，跟本就唔配做特首，係唔係應該請辭？落下雨就搞到山泥傾瀉，車毀人亡，快 D 抽出邊個要為呢件事問責，引咎辭職！

「為何曾特首不去大澳」不是一條問題，它是一個答案，它對現今香港傳媒、香港市民的文化水平和修養作出了一個負面肯定。還好，暫時還未有人響電台問：「點解民安隊唔學緬甸軍咁搶晒大澳市民 D 物資既？」

邊個要為呢次黑雨問責？夜幕低垂，仰望長空，細細聲的…….

問：上帝，有人要你落台喎，你點睇？

上帝：邊係我呀，我都冇咁大塊「雨雲」，上次四川單野你屈我天譴我都未同你計！你又想黎多單？

問：Sorry sorry, 咁 … 佛祖，黑雨係唔係你整架？市民話要問責喎。

佛祖：喂，你咪亂講喎，早排你地屈我開生日會切蛋糕切到塊地殼，搞到地震我都忍你，你而家話我搞黑雨？咁咪 jei 係我自己令寶蓮寺斷糧？你壹週刊派黎架？

答：有道理有到理…. 之但係咁我都要交人架，你地覺得應該搵邊個負責？

迷之音：梗係搵地球先生啦，你冇睇電視咩？「地球先生病咗喇」，仲唔襯佢病，攞佢命？