米高有話兒 » 五天昇華遊

我和MK去了大潭水塘

bearyung — Mon, 24 May 2010 18:09:24 +0000

先看圖，文字後補。

1. 當天天氣不太好，時晴時雨，不過也因為如此，帶來了難得的清涼

2. 大潭郊野公園周圍也是青苔

3. 涼亭內的鉤，用來掛衣服嗎？

4. 沒有藍天的關係，湖面也被樹木染成綠色

5. 特大湖面上的特大倒影

6. 拱橋是大潭水塘特色，還有很多其他建築也列為受保護文物

7. 大潭水塘旁邊的海灣

8. 樹枝

9. 攝於水霸之下，當水塘開閘放水時會有好多人坐於霸底感受水流的衝擊

10.影四方形相的好處是我可以有更大的剪裁自由！

按這裡看全緝相片。

大澳！一場隔岸觀火的高鹽分風味宴

bearyung — Tue, 30 Mar 2010 01:54:25 +0000

星期日和ＭＫ去了大澳拍照，午餐叫了炒飯海鮮同漁民四寶，一個字形容：咸！

影影吓相發現頭頂有灰燼飄落，忽然有一種蒼涼之感。想起第二次世界大戰時德國軍隊的冷血，他們屠殺了猶太人後，把屍體集合起來便一把火燒個整日整夜，城市飄著黑色的灰燼，在集中營的囚犯終於以另一個形式返回到城市上，和活著的人作最後一次身體接觸。

回過神來，才發現左右兩邊山頭火光紅紅，山腳的我們也清晰地聽到霹靂啪喇的聲音，伴隨而來的是鄉間燒柴的氣味，我們繼續走著走著，沒有甚麼特別想看，也沒有甚麼特別不想看。

整緝照片：於 Flickr 上直接觀看

城門水塘：在那裡跌低，就要在相同地方跌多一次！

bearyung — Sun, 14 Mar 2010 10:07:52 +0000

二月二十七日（陰）

買了新相機後手痕痕，想到郊外拍些自然風景，難得 MK 肯陪我去一齊影相，地點選擇最近我們的城門水塘。

拍自然風景的好處是構圖容易（胡亂照幾張看看有甚麼 in focus 就硬說它是我想影的東西），第二次去城門水塘，對上一次係幾年前秋天去，仲好記得一腳踏中了淤泥整隻鞋也陷了進去，身體重量不斷地令球鞋愈陷愈深的狼狽情況。

吸取了上次的教訓，我更加留意地面情況，避免行近水邊，但要來的，始終要來，今次是踏中了濕泥，整個人跣低了。雙手為保攝影器材，沒有多餘的支撐身體，只能任身軀自由著地。果然，「在那裡跌低，就要在相同地方跌多一次！」

案發現場：

更多相片>>

香港美酒佳餚巡禮

bearyung — Sun, 01 Nov 2009 17:01:46 +0000

今天，終於感受到甚麼是飲飽食醉，美酒是有的，不過佳餚…… 略嫌普通了一點！如果下年還舉辦的話，我一定會再去，不錯不錯。

同場加映 – 阿仔偷糖，老爹讚好！

細路偷糖，成部機反轉搖糖，家長呢？去左邊？

家長黎喇，第一個反應係唔信個仔咁叻偷到糖，阿仔再示範一次

老竇叫大仔再偷多D, 分D俾佢，分D俾細佬，好溫馨呀！

大澳

bearyung — Mon, 13 Apr 2009 04:44:14 +0000

星期六，去了大澳買蝦膏…… 對上一次，好似係三年前嘅事喇！市集內賣茶果的阿婆不見了，只剩下佢張相和她的後人在擺賣，賣燒魷魚的浮誇阿叔及賣炭爐雞蛋仔的性格阿叔仍然健在。

** 呢個景經典呀，上一次嚟大澳起同一個景影咗張，擺上網賣點知真係賣得出。所以今次嚟，再補多張咁啦 **

Full Set -> Click Here

午後之步行

bearyung — Sun, 01 Mar 2009 14:39:05 +0000

午飯後去了新城市廣場的 City!Super 添置一些調味料。看見一架由沙田到西貢的巴士，心想「既然出了來，也走走吧」便跳了上車。到了西貢市集，也不知有甚麼好幹，見有架去黃石碼頭的 94 號巴士將要發車，想也不想便跳了上車。

黃石碼頭嘛，我也沒有特別想去的地方。算了，還是在上窰站下了車，去萬宜水庫行行。沒有足夠的時間，去不了東霸，下次吧。

起點：麥理浩徑

石縫中的生命

當然，你可以選擇搭的士直去東霸，大約 $120

光禿禿的枝，但不是枯枝。春天一來，便會再長出綠葉

抽抽水

石隙中的野花

石隙中的垃圾

光禿禿的樹

夜喇，要返屋企食飯，掉頭走

Bus Stop

End.
觀看整個相集 >>

空中巴士

bearyung — Sat, 30 Aug 2008 18:26:57 +0000

AirAsia 名句：「搭飛機平過搭巴士」已漫延到內地，搭巴士去桂林，10 小時 RMB220；搭飛機去桂林，1小時$129！仲要係服務一流的深圳航空，去桂林玩，平過去迪士尼！XD

再去東平洲（一）

bearyung — Sat, 10 May 2008 17:23:59 +0000

難得禮拜六唔駛做公司野，懶理天文台話今日會落雨，一早去大學站跳上船一個人去東平洲兜個圈。咁大個仔今次係第二次去，上次時間關係淨係行左少少就走，今次決定要環島一周！

人唔算多，我去影相時都好少撞到人，一條友冇野做走去海邊練片石，練左一個鐘後總算係有 D 成積！好眼訓，唔打喇，下次先繼續講。最後一件事，就係全日行山時都冇落雨，但一上船回航就開始落，Thanks God!

澳門一天遊（一）

bearyung — Sun, 27 Apr 2008 16:42:30 +0000

難得星期日留起珠海又冇野做，一早八點起身就決定去澳門行下（冇錯，好即興，今朝先突然想去），原來星期日去澳門唔係好日子，起拱北排隊等過關等左兩個鐘，人多到乜咁，真係只要入面有人跌低就隨時出意外死幾百人咁嚴重。過左關，已經十點半，我一心都係諗住黎 relax，冇左幾個鍾咪睇少幾個景點囉，唔趕唔趕。

拎左張地圖就開始漫遊澳門，真係好「漫遊」，行得到就行去睇，可能行行下有巴士，睇到佢目的地合心意，就即刻跳上去，咁樣的遊覽，最適合我！景點唔介紹喇，一定有其他講得好過我的 Blog。以下係今日主要行程：

1. 關閘搭巴士去媽閣廟
2. 媽閣廟旁的緬甸食店 lunch
3. 行去大三巴
4. 途中經過幾個教堂、無數特式店鋪、小食等
5. 大三巴前的手信街食免費野
6. 行大三巴後的山
7. 發現澳門博物館後內進參觀
8. 博物館旁的炮台山
9. 手信街（非食物部份）買斜孭袋
10. 行落大馬路塔巴士去路環黑沙海灘
11. 漫步海灘
12. 坐石睇浪
13. 坐石聽浪睇書
14. 再漫步海灘
15. 去海灘旁小食店食炭火燒
16. 搭巴士到氹仔
17. 漫步氹仔市集
18. 食大菜糕、榴蓮雪糕
19. 去大利來食牛筋面冇牛筋、牛腩面冇牛腩、最後要魚蛋面
20. 再起氹仔行下手信街，食免費杏仁餅
21. 搭巴士去大馬路
22. 參觀賭場
23. 搭 Wynn 免費巴士去關閘
24. 又等個幾鍾（7:00 – 8:30）去返珠海

後記一：知道自己好勝心強，以前試過玩老虎機停唔到手，所以而家出絕招：拎 $20 擺褲袋，銀包連袋交俾酒店 Keep 起佢！呢招都好有效，希望下次係拎埋銀包入去都控製到自己淨係玩 $20。

後記二：眼見一個人黎澳門只有兩類人 – 賭仔同影相佬，好似冇我呢 D 無聊人黎澳門純粹行下

後記三：原本想去 Watson’s 買剃鬚刀片，入到去見內地人係咁掃 Watson’s D 香港貨，條隊長到乜咁，嚇走左

後記四：用 Sanyo 影左 D Snapshot, 擺左上網遲下先加返 Description

[ 媽閣廟前的人力車 ]

[ 假日文藝表演，載歌載舞幾好睇 ]

[ 一直都好唔明，點解旅遊成市禮拜日會有咁多食市閂門休息 ]

[ 一個人旅行時最最最無聊的舉動 - 自拍 ]

[ 連幾多點起屋企都要寫埋，搵食艱難呀 ]

[ 博物館一景 ]

[ 呢碌炮對住邊個外敵？！ ]

[ 噢...... 嘩...... ]

[ 黑沙海灘 D 沙真係黑色的 ]

無錢去玩

bearyung — Sat, 26 Jan 2008 17:22:22 +0000

「無錢去玩」，一本講三個人，三萬元，足以實踐一個夢想中的計畫，一個所有人都認為不太可行的計畫──到日本旅行四十二日！得閒行過書局，唔買都拎黎揭吓啦，我好俾心機做排版架！第一次幫博益做排板，亦係最後一次，原因前幾日已交代過，佢賺緊錢都要執笠呀！人地冇錢，都要去日本玩，南早咁有錢，都摺埋博益唔玩，唔好話我知，佢想將博益轉做金融集團呀！

四十二日旅行，我整左四十二個版面設計，原本係諗住睇完佢地果日做過啲乜再將內容融入設計中，但可惜最後果幾日… er… 可以話我同佢地冇左感通，好難搞，反覆地睇佢地果日做咗啲乜，幻想佢地既心情，但有時坐左成個鍾，都落唔到筆。可能我生手（以前都係整 Product Catalog），又可能因為我跟本唔熟排板（其實我讀工程出身，電車男一名），不過點都好，呢本書真係擺足心機整架（雖然有時一邊整一邊鬧）！

下次，下次一定會更加好。（冇三個月時間俾我真係好難搞）