米高宅生活字典

宅到某個境界,也是一種生活態度

Archive for the ‘11劃’ Category

做領袖嘅可唔可以似返個領袖?

with 6 comments

同文首貼於 Facebook,略加補完後在這張貼,作為記錄。

每年七.一遊行可說是對特區過去一年施政的「放榜日」,由人數多寡便可得知市民對這個政府的滿意程度。當然,七.一遊行也是政黨領袖們見真章的大好日子,看著他們遊行後的反應,便知那個是假領袖、那個是真政棍。

對於當晚遊行人士突然霸佔馬路的事件,這邊廂黃毓民話市民大眾係會有所犧牲,那邊廂陶君行又話係市民表達權利嘅代價,大佬,駛唔駛一個二個推得咁乾淨?

泰國紅衫軍、黃衫軍佔領機場、廣場、商場有冇話係必然代價?有冇話阻到其他人係佢地犧牲嘅一部份,睇開D咁呀?冇呀!人地係話希望受影響嘅人能夠體諒點解佢地要咁做,點解佢地要行到呢一步。紅衫軍領袖更公開向受影響嘅外國遊客致歉。

即使係哈馬斯,發動完襲擊後都會承認責任,佢地都冇話呢個係長期被以色列欺壓嘅必然代價,普通市民係會有所犧牲呀嘛?

講權利時就大大聲,又話自己有權乜乜物物,好喇,這邊廂一完事,人地都仲未問責任誰屬,一個二個就推得乾乾淨淨!

堂堂男子漢,點解唔可以企出黎話:「我地人民力量 / 社民連對尋晚示威後衝出馬路堵塞交通負上全部責任,向受影響嘅市民致歉,同時亦希望市民明白我地唔係一時衝動,更加唔係生事搏出位… xxxx …. 我地希望透過今次行動,喚醒普羅大眾嘅心,可能你對政府早已失去信任,準備放手乜都唔理,可能你對整個立法會早已心淡,覺得我地日日淨係上演政治show,打打鬧鬧。但身處呢個大是大非的時候,個人或黨嘅榮辱以經唔係最重要,最重要嘅係,我地想全港市民都知道,維繫著香港之所以為香港嘅核心價值,正慢慢地崩壞、瓦解,而最令我地感到痛心疾首嘅係,一點一點地饞食香港精神嘅唔係中共,而係一班聽到中共二字已經驚到腳震、已經攞定鞋油、甘願為奴嘅傀儡政府!」

可惜可惜,好地地俾你地開到頭,你又唔借力打力,叫乜鬼「人民力量」,你又唔合縱連橫,叫乜鬼「社民連」,明明就係人民發出嘅吼聲,點知你吼完後龜縮,又話唔關你事,又話係咁架喇,正常嘢,寒酸、失望呀!做男人做到好似俾人閹咗咁(今次直頭係自閹),點將自己嘅理念(如有的話)incept 俾香港市民呀?

最後,你明明成功衝到出馬路,擾攘咗咁耐塞晒D車你就咪鬼仲話「警權過大」啦,仲要話警察用胡椒噴霧對付你,又話俾人叉頸,對住鏡頭一樣樣數出黎,好似向人炫耀你今次旅行帶咗乜野手信返黎咁,好小家,又冇傲骨。警察都係人,都係打份工、都係執行上級指示,你係做大事嘅,就應該行出黎「承認責任」時,一拼感謝當日執行職務嘅警員整日維持秩序,令遊行示威可以順利進行,你俾一個光環警員,全香港700萬人都會俾個光環你啦。

做領袖(而非政客、政棍),並唔係要令支持自己嘅市民憎狠相反政見的人,相反,應該要令自己嘅團隊、支持者表現出肯承擔、肯負責、不退宿、不妥協嘅應有態度。咁樣唔單止贏得支持者的掌聲,即使是反對人士,對你,心中也有一份尊重。

而家叫你示個威都咁龜宿,選你上去對住中共時會唔會又突然自閹?我真係對你地冇信心。

Written by bearyung

July 3rd, 2011 at 11:57 am

Posted in 11劃

Tagged with , ,

從中美建交、蘋果翻身歸納出一套有效的思考系統

with 2 comments

1.
美國前國務卿基辛格的新書《論中國》(On China)中提到,1969年,當時的國家領導人毛澤東向身邊的醫生提出了一個問題:「我們的西、北兩面有蘇聯,南面有印度,東面有日本。你試想想,如果他們聯合起來,由東、南、西、北四面同一時間攻過來,我們應該怎辦?」

應該怎麼辦?襯他們聯合起來之前與其中一個友好,再破他們的四方陣嗎?那應該與東、南、西、北那一邊友好?任何一邊他們也知道自己正處於甚麼位置,他們會選擇與處於下峰、被圍的中國作盟友嗎?

醫生想不出答案,毛澤東繼續說:「再想清楚,日本後方就是美國,兵法不是說『遠交近攻』嗎?」

之後基辛格訪華、尼克遜訪華、中美正式建交,再接下來的,便是歷史了。

2.
Steve Jobs 於1996年重返蘋果後,在短短兩年間將大部分當時的產品形號也中止生產,可以說是蘋果的休眠期,再於1998年的8月推出革命性的iMac,籍此重返個人電腦市場。往後全世界的電腦外觀(不止電腦,應是所有產品亦不為甚)也深受iMac的影響。

外觀找到了方向後,接著就是內函,2001年8月,Mac OSX面世,標誌著蘋果電腦翻身成功,幾乎所有軟件、網頁、印刷品、包裝也有OSX的影子,就連Microsoft的作業系統,也是充滿著對蘋果的「致敬」。

下一步,已經在PC市場從新站起來的蘋果會怎樣做?逐步收復之前失去的產品市場嗎?打鐵襯熱進入企業伺服器或平板電腦、電子手帳市場嗎?

不,蘋果沒有將主力投放到以上的領域內,相反,他將大部份的資源,投放到一個蘋果本身未涉觸過的市場:MP3隨身聽。如果以功能、價格和便攜性來表達出來,蘋果公司當時主力的產品、市場上其他電腦產品和MP3隨身聽快速地分類的話,類似這樣:

當時沒有一間電腦公司放在眼內的MP3隨身聽,蘋果進駐了,並立得住腳。它並利用其本身在軟件設計上的優勢,推出了當時最先進的歌曲同步軟件iTunes,之後,蘋果的版圖變成這樣:

之後的幾年,紮好根基後兩邊板塊向中間推進,推出大受歡迎的iPhone 2G (Mobile Phone)、大受歡迎的iPhone 3G及iPod Touch (Camera, PDA)、大受歡迎的iPhone 3Gs (Handheld Game Console)、大受歡迎的iPad (Tablet),進佔了中間所有區塊,並於每一區塊內也取得亮麗的成績。

今天的蘋果公司,早已超越了Microsoft,爬過石油公司成為全球市值最大的上市公司。如果當初蘋果沒有將資源在遠方板塊,再兩邊向中間滲透的話,蘋果會有今天的成果嗎?

3.
將自己的處境畫下來,你在甚麼位置,你的身邊有甚麼障礙,障礙之後,又是甚麼體系,一一畫下來,選擇一個你認為恰當的遠方插旗位置(毛澤東也沒選太平洋島國作秘密外交,蘋果的iPod也不是一部吸塵機呀!),主力投放資源於頭尾,慢慢壯大後,中間的區域就自然被覆蓋了。

掌握了這個技巧,對於規劃系統就容易了,不論是探討長遠發展的大方向,還是功能加減的細微設計,只要用同一個思考方法,出來的效果一定比一步步慢慢向外圍推進的要好。下次,我嘗試舉些應用例子,等大家更明白。

Written by bearyung

May 30th, 2011 at 12:35 am

Posted in 11劃

Tagged with ,