非法進入賭場，仲好意思叫人俾錢?!
少 女 贏 74 萬 金 沙 唔 畀 錢
未夠砰就學人去賭，嬴左錢又如何? 我係賭場的話，唔俾佢又會俾人話唔認數，俾佢咪遮係承認佢入賭場既合法性!? 俾我係賭場，就張果 74 萬捐去內地救助失學兒童，等你又冇得話我唔認數，但係你又冇錢落袋！
做家長嘅仲好意思話：「冇理由中左獎唔派錢架，賭場畀得佢（外甥女）入來，就要負上責任，調番轉講，如果佢輸左錢，賭場會唔會因為佢唔夠秤而唔使佢輸丫? 」
大佬呀，係你個女生得老、生得殘，所以Ｄ人走漏眼，起任何時侯一發現你個女唔夠十八歲，都要即刻趕你走啦，我理你嬴定輸，嬴左你去搵職員，職員會即刻趕你走，同樣地輸錢走搵職員，職員亦都會趕你走，唔好起度打橫黎講，以為上左報紙搞大佢就掂。
“冇理由中左獎唔派錢架，賭場畀得佢（外甥女）入來，就要負上責任”
佢個意思應該係賭場畀得佢入去賭，而中左獎就有責任派錢。個LOGIC係，俾人入得去賭，嬴左賭場要派錢，輸左自己倒霉。
“D人走漏眼”是否行政失當？咁大間賭場下下走漏眼分分鐘唔見幾個億。
我唔知道是否有條文清楚列名
1.是否俾十八歲以下人士進入賭場？如有人”D人走漏眼”而入左，誰人負責，賭場或當事人？
2.如果發現有十八歲以下人士在賭場入進行任何賭博應當如何處理？交給警方或者即刻趕走？
3.如果發現有十八歲以下人士在賭場入進行任何賭博，其博采金額應當如何處理？如果十八歲以下人士在賭場入進行任何賭博輸左錢，賭場就據為己有的話，則賭場是否已觸犯法律？
如果早有以上條文，那麼有冇清楚讓場入外所有人知道？
Jay Lo
24 Feb 07 at 8:44 am
Re: Jay Lo
根據澳門《娛樂場幸運博彩經營法律制度》第一章二十四條，「博彩廳或區域之進入」中列明：
一、以下人士禁止進入博彩廳或區域：
（一）未滿十八周歲之人；
而第二十五條「博彩廳或區域之驅逐離場」也講到：
一、凡在博彩廳或區域內被發現違反有關特定規則及條件者，或被認為不適宜在場者，博彩監察暨協調局之督察或負責博彩廳或區域之娛樂場管理層人員，可命令該人離場；拒絕遵守由上指督察發出之命令或經其確認之命令者，構成違令罪。
二、負責博彩廳或區域之娛樂場管理層人員，在行使上款所指權力後，應於二十四小時內將其決定通知博彩監察暨協調局，並指出所作決定之理由及能就有關事實作證之證人，以及請求確認已採取之措施。
三、凡在上兩款所指情況下被逐離博彩廳或區域者，即處於防範性禁止進入之狀態。
——————————————————-
賭場走漏眼俾未成年的進入是不需要負責的，只要發現的時候命令該人離場便可，我唔理你果陣係準備拎錢定係拎緊錢甚至係拎完錢，一經發現唔該同我即刻走，就係咁簡單。
賭場全部都有將 《博彩條例》貼於入場的地方，就如香港地鐵都有將《地鐵條例》貼於當眼處，不過又有幾多個會走埋去睇?
bearyung
24 Feb 07 at 12:06 pm
Michael哥好野有做功課
可惜我讀得書少，不知其第二十五條「博彩廳或區域之驅逐離場」所云，而且亦有不清晰之處，如采金派發問題。總之以家錢要派，法要改。
哩D誤會都係因為法列不清所引至，一旦法列清楚列明，而且有充分宣傳，則有同類事件發生也不會糾纏不清。如條文已列當眼處，各下唔因各種原因唔睇就係自己事，如果違規，則依法處治，與人無攸。
Jay
26 Feb 07 at 9:55 am
Re: jay
如果事件發生在香港，賭場絕對有理由唔派錢，而法庭亦不會受理該女子對賭場的控告。
因為根據普通法，佢未夠十八歲擅自進入賭場，已經係犯法，佢同賭場之間的法律合約已經毀了，所以就算佢嬴左錢，賭場都冇需要行使派錢的責任。而該女孩亦不受「豁免保護」，佢想告賭場唔俾錢都不會受理。但如果賭場自願俾錢果個女仔的話，係冇問題的。
不過澳門行的是大陸法，對於履行合約的做法可能同香港的有所不同，但係今次澳門當局快速地叫金沙賭場俾錢，應該都係顧及澳門形像多於一切，畢竟，澳門是靠賭場生存的，而七十多萬對金沙黎講都係一餐茶嘅價錢。
而家澳門決定修例，對雙方都有好處，條文對於大眾來說更清晰，賭場亦都會執正黎做。
bearyung
26 Feb 07 at 11:25 pm