好戲連場
最近看了三套好笑的電影，藉此分享一下，輕鬆 D 啦，香港人！
1. 黑幫有個荷里活
日本笑片，戲中戲，劇情荒旦看得輕鬆。你會體驗到不同角色不同的人，也會為了生活 / 生命做出一些你初時認為很荒謬的事，但諗真一層，比著我，果一刻為求自保，都可能會咁做！
2. CIA光碟離奇失竊案
我同 Simon 一致認為：無厘頭！如果你有睇開高安兄弟（唔係個個『兄弟』都令人沮喪的）的電影，其實你都知我講緊乜。一個誤會導致另一個更大的誤會，一個大話製做另一個更大的大話，最後將冇關連甚至唔應該關連的也拖了下水，弄出一個大頭佛。你可以在戲中看到導演很認真地鋪排講一件原本是無聊頂透的時，最過癮是你一開始真的以為呢套係CIA 懸疑片！
3. 海角七號
香港發行商好努力地將佢包裝成愛情片，台灣的說是他們的療傷片，我膚淺，覺得它是笑片！不同地區不同文化不同背景的人，其實就如夾 Band 一樣，只要互相遷就互相欣嘗，最後定能譜出美麗樂章。
