User Experience
因為地產代理忘記幫忙繳交電費（第二次），尋晚食完飯返屋企，發現已被截電！門口就只剩下一張斷電通知單。其實冇交電費俾人斷電好正常，但我覺得南方電網可以做得更好，發出最後通知和斷電在同一時間發生，雖合理但不合情。
更貼心的做法可以在斷電前兩天發出最後通知，至少可以讓一些並不是沒錢交費而是一時忘了或所托非人（就像我的事件）的客戶得以及時繳交而無需受到斷電之苦。
九點幾返到黎屋企漆黑一片並不好受的，最痛苦係踏完單車一身汗但熱水裝置要用交流電來撻著，在伸手不見五指的環境下用冷水洗澡很容易會糊思亂想（尤其是前一晚先睇完《閃靈》），還好氣溫尚算清涼，微風陣陣，最後拖了客廳的梳化去露台看著天上繁星（和對面42″電視的晚間新聞）入睡。
呢個，就係我身為「南方電網」小小用戶的親身體驗。可唔可以，斷電前兩日發通知，咁做全世界至少會有一個人會欣嘗你。
