洗邋遢
因為數碼相的普及，而家拍照已經唔再需要三唔識七的晒相舖職員參與其中。時下好多情侶，都好鐘意互相影一啲好私人、好露骨的相，無錯，而家影相的確係好個人，唔洗拎去晒相舖沖印，但好多人對儲存方法調以輕心，好少少的，擺起自己電腦到，有啲人為左「珍藏」，仲會燒埋碟，更甚的，還會上載到網上相簿，以為加個密碼就安枕無憂。
經過陳冠希事件後，又一次證明世上並冇「秘密」呢樣野，尤其是互聯網世界內，訊息發報速度驚人，任何人也阻擋不住。如果你不想你和另一半成為下一次新聞組內的男女主角，唯一可以做既就係唔好影，影得出，就一定有俾人擺上網既一日，出賣你的人，可能係你的 Ex, 可能係黎你屋企玩的朋友，可能係電腦維修員，可能係你屋企人，真係個個人都有可能，邊避得咁多？
襯今年就黎埋尾，又係年廿八洗邋遢的大日子，各路兄弟姊妹唔該檢查下你的電腦、手機、相機，發現到原來自己曾經都影個呢啲野，唔該 Delete 晒佢啦，做人成熟啲，做野前要顧下對另一半的影響。如果你真係咁想將呢啲纏棉遊戲留底既，都得，唔該將你的另一半全身打格仔，對自己、對他人都係一種尊重。