將天上的太陽也摘給你
記得年頭突然有呢個念頭：整個太陽能發電燈，用玻璃樽入住佢，白天擺佢起有陽光嘅地方晒太陽，夜晚佢就識發光發熱，寓意就係「將天上的太陽也摘給你」，仲唔 lum 死女朋友?呵呵呵呵！不過最後因為自己手工不好整左督屎出黎，電子零件散滿桌面，發覺原來有 idea 都冇用，屋企都冇適合嘅工具！同埋最大問題係：靚玻璃樽好難搵。
大大話話都買左十幾款玻璃樽，發光之後全部都唔靚，原本想要磨沙的，但係磨沙全部都係大樽，我想要Ｄ好細好細嘅樽，突然諗到，以前實驗室入面好似見過細細地磨沙的白色玻璃樽，最後睇中左一款實驗室用的玻璃樽，由美國某間實驗室設備生產商提供，香港都有佢嘅代理，搭好晒窿路，再用Ｄ cheap cheap 玻璃樽試好晒，萬事俱備，差Ｄ就去入錢，臨埋門一腳得知一個震撼消息：先生，你女朋友已經飛左你。
打去 DOW 度 cancel order，一切快速還原。今日，突然見到我想整果樣野，起美國有人推出市場發售：
有冇人同我一樣都諗過整呢Ｄ野? 如果有嘅，唔駛整喇，買啦！
http://www.delight.com/The-Sunjar-A-Solar-Powered-Jar-Full-Of-Sunshine
不過我又突然諗到，如果入面係擺好細的冷光 LED，擺返佢十零廿粒，應該可以模擬到星星。到時就可以話：將天上的星星也摘給你！咁好似仲浪漫 XD
