PCCW 對 香港寬頻
早前香港寬頻推出一系列的廣告嘲笑 PCCW 到而家仲用緊電話線黎上網，好多市民都睇得津津有味，而家 PCCW 終於反擊了，推出一個老鼠鑽地道將光纖鋪到對面街已經開心到拆天的廣告，再加埋旁白明寸香港寬頻鋪到少少光纖已經係威係勢，膚淺！ 我地PCCW 已經鋪均全香港，總長度足夠環繞地球幾個圈。
公仔箱裏面Ｄ廣告終於有返Ｄ火氣喇，對上一次已經係好多年前手提電話可以攜號碼轉台時 Sunday 發起的廣告戰。今次電訊魔鬼（王維基）大戰電訊巨人（李澤皆）應該連場好戲陸續上演，各看官可以食住花生等開波啦。
講開又講，大家唔好睇小 PCCW 以為佢永遠都係食老本做生意，佢背後其實已經建立左一個統一的通訊平台：固網電話、寬頻、電視、無線上網、2G、3G，內容訊息交換可以話係暢通無阻，當佢既基建搞好之後，要推行任何一件事都可以話係冇難度，以綑綁（好聽叫整合）模式推出服務上客應該比其他任何一間也可以做得更好。做一個最全面的跨平台跨媒介內容供應商和服務商，重奪領導地位之時應該不遠已。
