拎返往年去台灣阿里山 D 相睇，原來咁快又一年（亦即係話我呢一年內都冇去過其他地方）。一年前的十月二日，我還記得好清楚是怎麼過的：早上在電腦房寫完 Blog 後，坐在酒店房間內的雙人床上拿起筆記本寫、不斷地寫，寫下了一本屬於自己的「預言之書」。書內寫出自己的缺點、錯處並說一年內便要改掉它。
一年後的昨天再看回那時候寫的東西：太膚淺了吧？跟本摸不著核心，改掉了那些後，就像撥開了雲霧，看見更深層、更實在的一點東西。還是早一點去睡覺，發一個好夢。閉上眼前看掛著在床邊的鐘 - 9:30p.m.
媽媽長期飲毒奶誕無肛門BB
- 東方日報 30/09/2008
嚇死人，大字標題話飲三聚氰胺毒奶會誕下畸形嬰兒，全港孕婦無不人心徨徨，冇覺好瞓。成篇報導講都好似因為事主每日飲高鈣奶而誕下畸形嬰兒。但下面的一忽仔，寫住：
先天性發育問題綜合症（又稱聯合畸形）的成因至今不明，醫學界估計與基因問題有關，本港每年只有零星個案。…… 但目前難以確定孕婦飲三聚氰胺牛奶會否增加誕畸胎的機會，需待更多個案才可作分析。
內地毒奶害人不淺，但身為傳媒報導時未能客觀持平，一味嘩眾靠嚇制造輿論引起社會不安，其毒性和毒奶也相距不遠。為何沒有人將「精神食糧」送檢？話唔定每日服用，後遺症比三聚氰胺更嚴重。
**內地最新檢驗的一批奶類產品全部不含三聚氰胺，睇黎奸商們已找都其他有毒化學品去代替。**
自虐の詩 電影海報
一套日本電影，你可以將之界定為「笑片」，發生於男女主角之間的愛情故事：男的市井，女的唔靚。內容並沒有大型災難，也沒有誰得了絕症雖要隱瞞對方。總之，就是你或我或身邊的任何一個，也有機會發生的市井故事。
女主角的人生，看來就只可以用七個字來形容：不幸、不幸、很不幸。她每一次以為自己找到一點點的幸福後，總有一連串的不幸隨之而來。
最後，女主角道出了是幸福，或不幸，也沒所謂了，因為幸福或不幸也有其本身的價值，價值的本身才是最值得珍惜、值得擁有。
一套好好笑既片，但不要笑笑下，喊咗出黎。你看了，自然會明白。
（流水式記事，冇內函）
星期五返內地加班（五、六、日），十點返到去先知已經停咗電，仲要停一日，呢 D 就叫黑仔！
返到屋企，我唔知點形容好，成個廚房假天花塌咗落黎，冇一件廚具係起原位！全屋樹枝樹葉，水跡斑斑，一心想收拾殘局先發覺冇水冇電。OK，一定係個天要我放假唞唞，放低 Notebook 就直去樓下搭車去拱北。
過關去咗澳門食黑椒燒鵝比飯，一流呀！原來澳門平時係咁旺的，以前禮拜六日去隨了手信街外 D 店鋪都閂晒門，終於睇到平時澳門的繁榮！食完飯諗住去黑沙灘行吓，去到以為自己參觀緊堆填區，風後情況慘不忍睹：沙石流走，海灘變石灘，同珠海有得揮！
其實我都唔知黎澳門做乜，所以都係見車就上。搭返車出去路環市區，食下野、睇下野；再搭返車去氹仔市區，又食下野、睇下野。睇睇時間，五點黎緊，搭車去關閘走人。過關時發現，而家去澳門買手信，已經唔再係牛肉乾、杏仁餅，而變成嬰兒奶粉、幼兒奶粉。
我內地住果度的樓下，平時去 relax 的海邊…… 明天還要回去善後！
吹襲前：
吹襲後：
吹襲中：
吹襲後：
吹襲前：
吹襲後：
